Политехник коллеж нь 2024-2028 оны стратеги төлөвлөгөөндөө тусгасан “Нэгдмэл удирдлагын тогтолцоог үе шаттайгаар нэвтрүүлэх зорилтын хүрээнд холбогдох арга хэмжээнүүдийг төлөвлөж, хэрэгжүүлж байна. Энэхүү зорилтыг хэрэгжүүлэх эхний алхам болгон Олон Улсын Стандартын шаардлагад нийцсэн удирдлагын тогтолцоо нэвтрүүлэх туршлагатай “ОШМИ” ХХК-тай хамтран ажиллах гэрээ байгуулсан бөгөөд гэрээний хүрээнд багш, ажилтан, албан хаагчдад зориулсан ISO стандартуудын танилцуулга сургалтыг амжилттай зохион байгуулж байна.
Тус сургалтаар дараах сэдвүүдийг хамарсан:
• ISO 9001: Чанарын удирдлагын тогтолцоо
• ISO 14001: Байгаль орчны удирдлагын тогтолцоо
• ISO 45001: Хөдөлмөрийн аюулгүй байдал, эрүүл ахуйн удирдлагын тогтолцоо
• Нэгдмэл удирдлагын тогтолцооны ойлголт, хэрэгжилтийн үндсэн зарчим, давуу талууд
• Байгууллагын гүйцэтгэл, хариуцлагыг нэмэгдүүлэхэд ISO стандартын нөлөө
Цаашид байгууллагын нэгдмэл удирдлагын тогтолцооны хүрээнд баримт бичгийн удирдлага, дотоод аудит, эрсдэлийн удирдлага, тасралтгүй сайжруулалт зэрэг чиглэлээр цуврал сургалтууд зохион байгуулах, тогтолцооны хэрэгжилтийг төлөвлөгөөний дагуу шат дараатай хэрэгжүүлэхээр зорин ажиллаж байна.