ШУТИС-ийн Өмнөговь аймаг дахь Технологийн дээд сургуулийн харьяа Политехник коллежийн Мэргэжлийн болон техникийн боловсролыг эзэмшсэн төгссөн төгсөгчдийг нэгтгэх, мэргэжлээрээ салбартаа манлайлан ажиллаж буй төгсөгчдөө алдаршуулах, ажлын талбарт гарахад тулгамдсан асуудлыг судлан дүн жинжилгээ хийж, сургалтын агуулга хөтөлбөрт өөрчлөлт оруулахад хамтран ажиллах зорилгоор төгсөгчдийн уулзалт зохион байгуулж, төгсөгчдийн холбоог байгууллаа.
Модиратор багшаар: Ч.Галхүү, сургуулийн захирал Ч.Эрдэнэтуяа нээж мэндчилгээ дэвшүүлэн, НТҮСХАЗ Б.Бямбасайхан сургуулийн танилцуулга болон төгсөгчдийн уулзалтыг зохион байгуулснаар цаашид төгөсөгчдийн холбоо байгуулах тухай мэдээлэл өгснөөр уулзалтын арга хэмжээ эхэлсэн.
Манай сургуулийн мэргэжлийн болон техникийн боловсрол сургалтад хамрагдан мэргэжил эзэмшсэн төгсөгчдийн нэгдсэн мэдээллийн сантай болох, тэндний оролцоонд тулгуурлан нийгэмд чиглэсэн олон талт ажил арга хэмжээ зохион байгуулах, мэргэжлээрээ олон жил үр бүтээлтэй ажиллан, тухайн салбартаа манлайлж буй төгсөгч инженер техникийн ажилчдаа сургалтын хөтөлбөр, агуулгын шинэчлэлд татан оролцуулж, саналыг тусган ажиллах зэрэг олон давуу талууд бий болох юм.
Төгсөгчдийн холбооны удирдах зөвлөлийг 11 хүний бүрэлдэхүүнтэй буюу 2006-2024 оны төгсөгчдийн төлөөллийг оролцуулан, удирдах зөвлөлийн дарга, нарийн бичгийг сонгож, холбооны ажиллах дүрмийг боловсруулан, энэ хичээлийн жилд хийх ажлын төлөвлөгөөнд саналуудаа тусган тус удирдах зөвлөл үйл ажиллагаагаа идэвхжүүлэн ажиллахаар боллоо.
Төгсөгчдийн холбооны удирдах зөвлөлийг: 11 төгсөгчийн бүрэлдэхүүнтэйгээр
УЗ-ийн даргаар: Ө.Отгонбат /2018 оны төгчсөгч, цахилгаанчин мэргэжлийн багш/
- Нарийн бичиг: Б.Мөнгөнзаяа /2023 оны төгсөгч, БЗЧ/
- УЗ-ийн гишүүн: Нинжбадгар /2009 оны төгсөгч Архив бичиг хэрэг/
- УЗ-ийн гишүүн: Г.Мөнхбаяр /2019 оны төгсөгч Барилгын бүтээц угсралт мэргэжлийн багш/
- УЗ-ийн гишүүн: Э.Ариунболд /2024 оны төгсөгч цахилгаанчин/
- УЗ-ийн гишүүн: М.Азбаяр /2024 оны төгсөгч цахилгаанчин/
- УЗ-ийн гишүүн: Б.Цогнаран /2024 оны төгсөгч цахилгаанчин/
- УЗ-ийн гишүүн: М.Хишигдалай /2006 оны төгсөгч Ширэн урлал/
- УЗ-ийн гишүүн: Б.Одгэрэл /2020 оны төгсөгч Механик/
- УЗ-ийн гишүүн: Э.Ариунболд /2023 оны төгсөгч цахилгаанчин/
- УЗ-ийн гишүүн: Ш.Шинэцэцэг /2009 оны төгсөгч цахилгаанчин/ нар сонгогдлоо.
Холбооны оноосон нэрны санал авч хамгийн олон саналаар “Өмнөговь ПТК-ийн төгсөгчдийн холбоо” нэрийг аймгийн Улсын бүртгэлийн хэлтэст нэрний давхцалгүй авахаар хурлаас шийдвэр гарсан бөгөөд УЗ-ийн анхны хурлын протоколыг редакцийн засвартайгаар баталгаажуулсан юм.
Холбооны ажиллах журам, баримт бичиг боловсруулах аргачлал, цаашид холбооын нэрээ баталгаажуулан, тамга тэмдэгтэй болж үйл ажиллагаагаа эрчимжүүлэн төлөвлөгөө боловсруулан ажиллах талаар саналд солилцож хурлыг өндөрлүүлэв.
